Tilgjengelegheitserklæring for helse-fonna.no

Vi har enkeltvise bilde med lite skildrande eller manglande alt-tekst. Nokre beskriv ikkje hensikta/konteksten i bildet, mens andre er misvisande eller for generelle. Dette kan føre til forvirring for brukarar som brukar teknologihjelpemiddel. Vi har også enkeltvise diagram, flytskjema og liknande i dokument som ikkje er godt nok forklart tekstleg. 

Vi jobbar systematisk med å oppdatere eldre innhald. Dette inkluderer retting eller sletting av bilde og dokument med bilde utan alt-tekst.

Fleire av videoane våre har lyd, men manglar teksting. Dette betyr at personar som ikkje kan høyre, ikkje får presentert lydinnhaldet på alternativ måte. Vi arbeider med å oppdatere eldre innhald, inkludert sletting av videoar som ikkje er universelt utforma. Nye videoar blir laga med teksting. 

Det finst fleire eldre videoar som er mykje brukte, blant anna i kurs og opplæring, og som vi på noverandre tidspunkt ikkje kan slette. Vi har ikkje nok ressursar til å gå gjennom alle og universelt utforme dei. Samstundes meiner vi at det har stor samfunnsverdi at desse videoane framleis er tilgjengelege på nettstaden, fram til dei eventuelt kan bytast ut med nye og universelt utforma versjonar. 

Ingen av våre videoar er synstolka. Innhaldet i desse videoane vil dermed ikkje bli formidla til blinde og svaksynte. I dag er det ikkje  mogleg å publisere separate lydspor i løysinga. Feilen er meldt inn til utviklarteamet i Felles nettløysing for spesialisthelsetenesta, og det vil bli utarbeidd ein plan for å få den retta. 

Det manglar unike namn på landemerke og innhald utanfor landemerke. Det er også feil i overskriftsnivåa, og lister er feilnøsta. I tillegg er det avsnitt som ikkje er koda som tekst, sitat som ikkje er koda som sitat, og tabellar som ikkje er korrekt koda. Det betyr at brukarar med skjermlesar og andre hjelpemiddel kan bli forvirra og få problem med å forstå og navigere i innhaldet.

Feilen er meldt inn til utviklarteamet i Felles nettløysing for spesialisthelsetenesta. Det blir utarbeidd ein plan, og retting er forventa innan utgangen av 2025.

Vi har mange dokument på nettstaden som ikkje er universelt utforma, blant anna PDF/word-dokument som ikkje nyttar riktig struktur og som difor ikkje kan bli lest av dei som nyttar teknolighjelpemiddel. Vi jobbar med å erstatte desse dokumenta med alternative løysingar. Dette inkluderer flytting av arkivverdige dokument til ekstern visning i arkivsystem.

Vi informerer innhaldsprodusentar om krava som gjeld og korleis ein skal gjere dokument tilgjengelege for alle.

Det finst tilfelle der vi har brukt bilde av tekst, men der alt-teksten ikkje gir tilstrekkeleg informasjon, eller der den same informasjonen ikkje er tilgjengeleg som rein tekst i nær tilknyting til biletet. Dette kan føre til forvirring for brukarar som nyttar skjermleser. Vi unngår å bruke bilde av tekst der det er mogleg. I dei tilfella der vi likevel gjer det, sørgjer vi for å ha både alt-tekst og den same informasjonen tilgjengeleg som rein tekst i nær tilknyting til biletet. 

Det kan finnast tilfelle der vi har duplikate sidetitlar som gjer at brukarar kan få vanskar med å lokalisera seg på nettstaden. Dette gjeld spesielt brukarar som navigerer med skjermlesarar, brukarar med kognitive utfordringar, og dei som nyttar søkemotorar for å finne informasjon.

Vi endrar eldre sider med identiske titlar der det er naudsynt, og lager unike sidetitler for nytt innhald, slik at det blir enklare for brukarar å finne informasjon og navigere på nettstaden. Vi prøver også å samle likt temainnhald på fellessider, slik at vi får færre sider med likt/liknande innhald.

Nokre av lenkjetekstane gir ufullstendig informasjon om lenkemålet. Det betyr at brukarar kan få vanskar med å vurdera formålet til ei lenkje. Dette berører spesielt brukarar med nedsett syn, skjermlesarbrukarar og brukarar med kognitive utfordringar.

Vi har fokus på å lage gode lenketekstar for nytt innhald, og vi jobbar med å utbetre lenketekstar på eldre sider.

Vi har overskrifter som ikkje alltid er tydelige i beskrivinga av det etterfølgjande innhaldet. Dette kan gjera det vanskeleg for alle brukarar, inkludert skjermlesarbrukarar, å skumlesa og finne rett informasjon.

Vi jobbar med å lage tydelege overskrifter som speglar innhaldet og bruke fleire overskriftsnivå det det er naturleg. 

Organisasjonsnummer i footer er ikkje koda korrekt. Det betyr at brukarar med skjermlesar og andre hjelpemiddel kan få feil informasjon og problem med å forstå innhaldet.

Feilen er meldt inn til utviklarteamet. Det blir utarbeidd ein plan, og retting av feilen er forventa innan utgangen av 2025.

Helse-fonna.no har nynorsk koda som nettstadspråk. På den nynorske nettstaden finst det sider med innhald på andre språk (bokmål, engelsk). Dette innhaldet kan mangle riktig koding for språk. Brukarar som nytter hjelpemiddelteknologi kan difor oppleve at noko innhald ikkje blir presenterert i samsvar med språkreglane for det aktuelle språket. 

Vi jobbar med å legge inn aktuelle språkkoder der det er behov. Samtidig oppmodar vi innhaldsprodusentar til å halde seg til nynorsk. Vi oversetter innhald som er på bokmål til nynorsk der det er mogleg.

Lenkene i menyen kan ha annleis namn enn sidetitlane det blir lenkja til. Brukarar kan tenkje at dei har trykt feil, eller bli forvirra av navigeringa. Det kan også vere stader der søkjeknappen har eit anna namn enn resten av sida. Dette påverkar brukarar med kognitive funksjonsnedsetjingar og skjermlesarbrukarar, som kan bli forvirra av usemjer og miste orienteringa under navigasjon.

Vi har fokus på konsekvent bruk av namn på sidetitlar, menyar og knappar, slik at navigasjonen blir logisk for alle brukarar.

Vi har ikkje synleg leietekst for søk, og knappen for å gjennomføra søket er berre eit ikon. Brukarar kan få problem med å oppfatta kva feltet er til. Dette berører spesielt brukarar med nedsett syn, skjermlesarbrukarar og personar med kognitive utfordringar som er avhengige av tydelege leietekstar for å forstå funksjonen.

Utviklarteamet utarbeider ein plan for å få dette retta. Feilen er venta å bli retta i løpet av året.

Vi har valideringsfeil i koden: dupliserte ID-ar og nøstingsfeil. Dette fører til at assisterande hjelpemiddel kan få problem med å tolke innhaldet riktig, noko som påverkar brukarar av skjermlesarar og andre hjelpemiddel. Feilen er meldt inn til utviklarteamet i Felles nettløysing for spesialisthelsetenesta. 

Vi har nokre innebygde videoar på nettsida, men det er ikkje alltid tittlen på ramma er endra frå "YouTube video player". Dette fører til at brukarar kan få vanskar med å vita formålet med ramma. Vi rettar feil ved revisjon av gammalt videoinnhald, og når vi lagar nytt.

I tillegg gir knappar som "Vis fleire" og "Vis meir" på framsida ikkje tydeleg informasjon om kva som blir vist meir av. Dette fører til at brukarar som ikkje ser grensesnittet, eller som nyttar hjelpemiddel, ikkje nødvendigvis forstår formålet med knappen. Feilen er meldt inn til utviklarteamet, og det vil bli utarbeidd ein plan for å få det retta.

Mange dokument/skjema på nettstaden inneheld tabellar/innhald som ikkje er universelt utforma i samsvar med WCAG-retningslinjene, spesielt når det gjeld korrekt strukturering av tabellar for bruk med skjermlesarar og andre hjelpemiddel. I gjennomgangen av eldre innhald sjekkar vi om publiserte dokument er universelt utforma. Vi slettar desse der det er mogleg, eller finner alternative løysingar for å presentere innhaldet.