Tilgjengelegheitserklæring for Helse Bergen HF

Vi har enkeltvise bilde med lite skildrande eller manglande alternativ tekst (alt-tekst) på nettsider i løysinga. Dette medfører at brukarar ikkje får lest opp bildeinnhald.

Vi har mange innhaldsprodusentar og webredaktørar som jobbar med innhald i publiseringsløysinga vår, noko som medfører at feil kan dessverre skje. 

Publiseringsløysinga vi brukar (Optimizely Content Cloud) har integrerte verktøy for å handtere krava til universell utforming. Mellom anna blir det automatisk foreslått alt-tekst til nye bilde som blir lasta opp i løysinga. Det er ikkje mogleg å publisere ei ny nettside dersom eit bilde manglar alt-tekst. 

På vår nettstad har vi godkjenningsflyt, og vi har etablerte rutinar for å sjekke om bilde har alt-tekst når vi godkjenner og publiserer sider. Vi jobbar kontinuerleg med å auke kompetansen på universell utforming, herunder også korrekt utfylling av alt-tekst på bilde. I tillegg er universell utforming ein svært viktig del av våre kurs og opplæring for innhaldsprodusentar og webredaktørar.

Vi har mange videoar som ikkje er teksta. Dette gjer at personar med nedsett høyrsel ikkje kan få tilgang til informasjonen i videoane. Dette påverkar brukarar med nedsett høyrsel og andre som er avhengige av tekst for å forstå innhaldet.

Vi jobbar kontinuerleg med å auke kompetansen på universell utforming, herunder også teksting og transkribering av videoar. I tillegg er universell utforming ein svært viktig del av våre kurs og opplæring for innhaldsprodusentar og webredaktørar.

Vi har mange videoar som ikkje er teksta. Dette gjer at personar med nedsett høyrsel ikkje kan få tilgang til informasjonen i videoane. Dette påverkar brukarar med nedsett høyrsel og andre som er avhengige av tekst for å forstå innhaldet.

Vi jobbar kontinuerleg med å auke kompetansen på universell utforming, herunder også teksting og transkribering av videoar. I tillegg er universell utforming ein svært viktig del av våre kurs og opplæring for innhaldsprodusentar og webredaktørar.

Mange av våre videoar er laga på ein slik måte at viktig visuelt innhald blir skildra både gjennom lyd og tekst. I nokre tilfelle har vi skildra innhaldet i følgjeteksten til videoen. Publiseringsløysinga har per mars 2025 ingen teknisk løysing for eget lydspor, men dette er meld inn til utviklarteamet, og det vil bli utarbeidd ein plan for dette i løpet av året.

Vi er også  i gang med å utarbeide rutinar for korleis vi skal ivareta krav om synstolking for videoproduksjonar, og dette vil inngå i opplæringa av innhaldsprodusentar og webredaktørar på nettstaden. 

Vi har landemerke i grensesnittet, men nokre av desse har ikkje eit unikt namn. Det finst også innhald som ikkje er i landemerke, til dømes "Fant du det du leita etter?" på kvar side. Vi har også overskrifter som visuelt ser ut som overskrifter, men som ikkje er koda som dette, mellom anna i botnmenyen. Vidare har vi mange sider der overskrifter hoppar over nivå, listar som ikkje er riktig nøsta, avsnitt som ikkje er koda som vanleg tekst, sitat som ikkje er koda som sitat. Tabellar er ikkje riktig koda. Brukarar som navigerer med assisterande hjelpemiddel kan bli forvirra, og få store problem med å ta del i innhaldet på nettstaden på rett måte. 

Feilen er meld inn til utviklarteamet, og det vil bli utarbeidd ein plan for å få den retta. Feilen er venta å bli retta i løpet av året.

Vi har enkeltvise bilde av tekst på nettsider i løysinga. Dette medfører at denne informasjonen ikkje er tilgjengeleg for nokre brukarar.

Vi jobbar kontinuerleg saman med innhaldsprodusentar og webredaktører på nettstaden for unngå bilete av tekst og/eller bruke alternativ tekst som forklarar innhaldet på bilde med tekst der vi har dette.

I mindre skjermstorleikar må brukarane skrolla horisontalt for å få tilgang til meny-knappen. Ved filtreringa i søk på behandlingar og kliniske studiar er det nokre gonger brukt veldig lange ord. Ved mindre skjermstorleikar må brukaren skrolla i begge retningar for å kunna få lese heile ordet. 

Feilen er meld inn til utviklarteamet, og det vil bli utarbeidd ein plan for å få den retta. Feilen er venta å bli retta i løpet av året.

Det finst mange duplikate sidetitlar, til dømes "Personvern" og "Praktisk informasjon". Brukarar kan få vanskar med å lokalisera seg på nettstaden. Dette berører spesielt brukarar som navigerer med skjermlesarar, brukarar med kognitive utfordringar, og dei som nyttar søkjemotorar for å finna informasjon.

Vi jobbar kontinuerleg med å auke kompetansen på universell utforming av IKT, herunder også gode titlar og klart språk.

Ved bruk av tastaturnavigering på mobil så hoppar fokus tilbake til toppen av sidan etter å ha stengt søk eller meny. Dette kan skapa forvirring og vera frustrerande for brukarar som berre navigerer med tastatur. 

Utviklarteamet arbeider med ein plan for å få dette retta. Feilen er venta å bli retta i løpet av året.

Mange av lenkjetekstane våre er ufullstendige i konteksten sin, til dømes enkeltståande "Les meir". Vi har også lenkjetekstar som gjer det motsette og formidlar både overskrift, ingress og lenkjetekst i same lenkjetekst til skjermlesarbrukarar. Alle brukarar kan få vanskar med å vurdera formålet til ei lenkje. Dette berører spesielt brukarar med nedsett syn, skjermlesarbrukarar og brukarar med kognitive utfordringar.

Vi har fokus på dette i opplæringa av innhaldsprodusentar og webredaktørar på nettstaden, og jobbar saman om å utbetre dette på eksisterande sider. 

Me har mange artiklar og overskrifter som ikkje alltid beskriv det etterfølgjande innhaldet tydeleg. Dette kan gjera det vanskeleg for alle brukarar, inkludert skjermlesarbrukarar, å skumlesa og finne rett informasjon. 

Den norske versjonen av helse-bergen.no har nynorsk koda som nettstadspråk. Engelsk nettstad ligg under adressa helse-bergen/no/en. 

På den nynorske nettstaden finst det sider med innhald på andre språk (bokmål, engelsk). Dette innhaldet kan mangle riktig koding for språk.

Brukarar som nytter hjelpemiddelteknologi kan oppleve at noko innhald ikkje blir presenterert i samsvar med språkreglane for det aktuelle språket. 

Vi jobbar kontinuerleg med opplæring av våre innhaldsprodusentar i universell utforming og språk. Vi oppmodar til å ikkje ha andre språk på nettsidene, og jobbar med å leggje inn aktuelle språkkoder der det er behov. 

Lenkjene i menyen har annleis namn enn sidetitlane det blir lenkja til. Brukarar kan tenkja at dei har trykt feil, eller bli forvirra av navigeringa. Det er også stader der søkjeknappen har eit anna namn enn på resten av sida. Dette kjem av at lenkjar og funksjonar har vorte namngitt ulikt av ulike redaktørar på ulike stader på nettstaden. Dette påverkar brukarar med kognitive funksjonsnedsetjingar og skjermlesarbrukarar, som kan bli forvirra av usemjer og mista orienteringa under navigasjon.

Vi har ikkje synleg leietekst for søk, og knappen for å gjennomføra søket er berre eit ikon. Brukarar kan få problem med å oppfatta kva feltet er til. Dette berører spesielt brukarar med nedsett syn, skjermlesarbrukarar og personar med kognitive utfordringar som er avhengige av tydelege leietekstar for å forstå funksjonen.

Utviklarteamet utarbeider ein plan for å få dette retta. Feilen er venta å bli retta i løpet av året.

Vi har valideringsfeil på fleire sider. Mest problematisk er at det finst duplikate ID og nøstingsfeil. Assisterande hjelpemiddel kan få problem med å tolka innhaldet rett. Dette kjem av at koden på nettstaden inneheld dupliserte ID-ar og feil i nøsting, noko som kan føra til problem for nettlesarar og hjelpeteknologiar med å tolka innhaldet rett. Dette påverkar brukarar som er avhengige av skjermlesarar og andre assisterande hjelpemiddel.

Me har mange innebygde videoar på nettsida, men det er ikkje alltid tittlen på ramma er endra frå "YouTube video player". Brukarar vil få vanskar med å vita formålet med ramma. 

I "Fant du det du leita etter" bruker me to separate knappar i staden for radioknappar på det som er eit val mellom to alternativ (ja eller nei). Brukarar som nyttar assisterande hjelpemiddel får beskjed om at "ja" fører til at området blir felt ut, men "nei" trekkjer saman området. Det er dermed vanskeleg å forstå kva som har skjedd i grensesnittet etter å ha gjort eit val, basert på namn, rolle og verdi. 

Utviklarteamet utarbeider ein plan for å få dette retta. Feilen er venta å bli retta i løpet av året.