Tilgjengelegheitserklæring for dataverse.no

Det at eit metadatafelt er obligatorisk blir i registreringsmodus av metadataskjema berre indikert gjennom ei raud stjerne plassert til høgre for feltnamnet. Grunnen til at kravet ikkje er oppfylt på dette punktet er at nettapplikasjonen pr. i dag ikkje legg til rette for det. For brukarar som ikkje kan oppfatta form, storleik eller bruka informasjon om romleg plassering eller orientering, er konsekvensen av dette er at dei ikkje kan oppfatta kva metadatafelt som er obligatoriske før systemet indikerer dette med eit varsel etter at skjemaet er forsøkt lagra.

Det er fleire tilfelle der kontrasten mellom bakgrunn og informasjonsformidlande tekst på nettstaden dataverse.no ikkje er tilstrekkeleg. Ei detaljert oversikt over desse tilfella er lagd inn i kolonnen "Comments" i rada som gjeld kriteriet 1.4.3 Contrast (Minimum) (Level AA) i rapporten med resultat frå test og vurdering (sjå "WCAG Checklist for Accessibility Statement for dataverse.no" under Rapport nedanfor). Grunnen til at kravet ikkje er oppfylt for desse tekstelementa er at nettapplikasjonen pr. i dag ikkje legg til rette for det. For brukarar med moderat nedsett syn, inkludert brukarar med redusert fargesyn, er konsekvensen av dette at det er vanskeleg eller umogleg å lesa desse tekstane.

Det er nokre tekstelement som ikkje kan forstørrast opp til 200 %-visning utan tap av innhald og funksjonalitet. Ei detaljert oversikt over desse tilfella er lagd inn i kolonnen "Comments" i rada som gjeld kriteriet 1.4.4 Resize text (Level AA) i rapporten med resultat frå test og vurdering (sjå "WCAG Checklist for Accessibility Statement for dataverse.no" under Rapport nedanfor). Grunnen til at kravet ikkje er oppfylt for desse tekstelementa er at nettapplikasjonen pr. i dag ikkje legg til rette for det. For personar med moderat nedsett syn er konsekvensen av dette at det er vanskeleg eller umogleg å lesa desse tekstane utan bruk av hjelpemiddel.

I dataverse.no er det ikkje mogleg å forstørra innhaldet og lesa det i éin enkelt kolonne. Grunnen til det er a) at headeren er konfigurert slik at han dekkjer over det meste av skjermen når ein zoomar inn til 400 % (sjå også suksesskriteriet 1.4.4), og b) at nettapplikasjonen pr. i dag ikkje legg til rette for å kunna oppfylla dette kravet fullt ut. For personar med moderat nedsett syn er konsekvensen av dette at det er vanskeleg eller umogleg å lesa innhald på dataverse.no utan bruk av hjelpemiddel.

Det er nokre aktive brukargrensesnittkomponentar som ikkje er lett å sjå fordi dei har dårleg kontrast mot bakgrunnen. Ei oversikt over desse komponentane er lagd inn i kommentarane til suksesskriteriet 2.4.7 ovanfor. Grunnen til at kravet ikkje er oppfylt for desse komponentane er at nettapplikasjonen pr. i dag ikkje legg til rette for det. For personar med moderat nedsett syn er konsekvensen av dette at det er vanskeleg eller umogleg å oppfatta innhaldet i desse komponentane utan bruk av hjelpemiddel.

Det er fleire tilfelle der kontrasten mellom bakgrunn og informasjonsformidlande tekst på nettstaden dataverse.no ikkje er tilstrekkeleg. Ei detaljert oversikt over desse tilfella er lagd inn i kolonnen "Comments" i rada som gjeld kriteriet 2.1.1 Keyboard (Level A) i rapporten med resultat frå test og vurdering (sjå "WCAG Checklist for Accessibility Statement for dataverse.no" under Rapport nedanfor). Grunnen til at kravet ikkje er oppfylt for desse elementa er at nettapplikasjonen pr. i dag ikkje legg til rette for det. For blinde eller svaksynte brukarar eller brukarar med nedsett motorikk er konsekvensen av dette at innhald og funksjonalitet knytt til desse elementa på nettsida ikkje kan nåast og brukast med tastatur.

Det er eitt (eller kanskje to) tilfelle der brukarar blir fanga i ein loop etter at dei har navigert til eit element på nettsida, dvs. at fokuset blir flytta til starten av sida igjen og at ein ikkje kjem seg forbi elementet ved navigering gjennom tastaturet. Ei detaljert oversikt over desse tilfella er lagd inn i kolonnen "Comments" i rada som gjeld kriteriet 2.1.2 No Keyboard Trap (Level A) i rapporten med resultat frå test og vurdering (sjå "WCAG Checklist for Accessibility Statement for dataverse.no" under Rapport nedanfor). Grunnen til at kravet ikkje er oppfylt for desse elementa er at nettapplikasjonen pr. i dag ikkje legg til rette for det. For blinde eller svaksynte brukarar eller brukarar med nedsett motorikk er konsekvensen av dette at det er vanskeleg eller umogleg å navigera gjennom heile nettsida med hjelp av tastaturet.

Det er fleire tilfelle der element som er mogleg å betena med tastaturet, får veldig svak eller (praktisk talt) inga synleg fokusmarkering. Ei detaljert oversikt over desse tilfella er lagd inn i kolonnen "Comments" i rada som gjeld kriteriet 2.4.7 Focus Visible (Level AA) i rapporten med resultat frå test og vurdering (sjå "WCAG Checklist for Accessibility Statement for dataverse.no" under Rapport nedanfor). Grunnen til at kravet ikkje er oppfylt for desse elementa er at nettapplikasjonen pr. i dag ikkje legg til rette for det. For brukarar som er svaksynte eller som har nedsett motorikk eller nedsett kognisjon, er konsekvensen av dette at det er vanskeleg eller umogleg å sjå at dei har navigert til desse elementa.

Det er eit par tilfelle der innhald på dataverse.no ikkje kan brukast med enkel peikarinnputt. Ei detaljert oversikt over desse tilfella er lagd inn i kolonnen "Comments" i rada som gjeld kriteriet 2.5.1 Pointer Gestures (Level A) i rapporten med resultat frå test og vurdering (sjå "WCAG Checklist for Accessibility Statement for dataverse.no" under Rapport nedanfor). Grunnen til at kravet ikkje er oppfylt for desse elementa er at nettapplikasjonen pr. i dag ikkje legg til rette for det. For brukarar med nedsett handfunksjon eller nedsett motorikk og for brukarar med nedsett kognisjon er konsekvensen av dette at det er vanskeleg eller umogleg å bruka innhaldet i desse tilfella utan hjelp av mus eller berøringsskjerm.