Tilgjengelegheitserklæring for ndla.no

• Oppgåvefiler (Word- eller pdf-format) i matematikk har ikkje alt-tekstar til bilete og illustrasjonar fordi vi har oversett denne utfordringa i den redaksjonelle produksjonen. Synshemma får derfor ikkje tilgang til informasjonen som ligg i desse visuelle elementa. Dei må i staden bruke dei nettbaserte artiklane med same innhaldet. 
• I interaktive presentasjonar (H5P-teknologi) der det er brukt bilete med klikkbare område, manglar tekstalternativet til bileta ofte informasjon om lenkemålet. Dette er òg noko vi har oversett i den redaksjonelle produksjonen. Synshemma får derfor ikkje nokon informasjon om kva for ei side i presentasjonen dei vil komme til, utover nummeret på sida. Vi kjem til å gå gjennom oppgåvene og rette opp denne mangelen i 2024. 
• Reine illustrasjonsbilete skal ha tom alt-tekst, men vi har ein del alt-taggar med mellomrom-teikn. Vi vil gå gjennom nettstaden og fjerne desse mellomrom-teikna. 
• Nokre H5P-baserte tidslinjer har ikkje alternativ tekst på bilder, dette skal fiksast redaksjonelt. 
• Noko innhald er satt opp i H5P-typar (Agamotto osv.) som ikkje lenger er godkjent til redaksjonell bruk hos oss. Slikt innhald blir rydda vekk i 2024. 
• -Det er fleire videoar som treng ei tekstleg forklaring på kva innhaldet i videoen er.

Lytteøvingar i språkfaga der formålet er å teste lytteforståing.

Oppgåvefiler (Word- eller PDF-format) i matematikk har nettbaserte artiklar med same innhaldet som alternativ.

• Nokre animasjonar i brønnteknikk-faga har ikkje lyd eller alternativ tekst fordi dei ikkje er produserte redaksjonelt hos NDLA. Dette fagstoffet er derfor ikkje tilgjengeleg for synshemma personar. Vi har sett av eigne ressurar til brønnteknikk i 2024/25 og vil då også ordne tekstalternativ til desse animasjonane. 
• Dei fleste lydfilene på nettstaden vår (utanom podkastar) manglar transkripsjon fordi kravet om transkripsjon før publisering ikkje har vore handsama konsekvent. Høyrselshemma får derfor ikkje tilgang til alt lærestoffet (til dømes lærestoff om sjangrar i radio). 
• I mange interaktive øvingar (H5P) har vi ikkje tekstalternativ til lyd eller video fordi det ikkje er mogleg å legge inn tekstalternativ i verktøyet vi bruker. Høyrselshemma manglar tilgang til informasjon frå lyd i ein del øvingar slik at sjølve øvinga kan bli umogleg å gjennomføre. 
• -Videoar som er bygde inn frå NRK skole er i stor grad teksta, men det kan vere unntak som vi jobbar med å fjerne.

Lydkulisser i 360-rom som er laga for å gi sanseinntrykk, har kun skildrande funksjon.

Vi har fått bruke ein del videoar frå ulike sertifiseringskurs. Desse videoane har i utgangspunktet ikkje tekstalternativ fordi personar som tek desse sertifiseringskursa, må ha godt syn. Per i dag har vi ikkje noko alternativ til desse kursa på ndla.no.

For synstolka videoar som har eit «vanleg» videoalternativ som er teksta, gjeld ikkje kravet om teksting.

Nettstaden har innhald for videregåande skule som er unntatt kravet. Det er likevel synstolking på all eigenprodusert video som er laga etter 2020.

• Enkelte overskrifter følger ikkje rett overskriftsnivå. Dette gjeld til dømes samlesider som fag- og emnesider. Desse vil bli redesigna i 2024 og tilrettelagde endå betre for synshemma personar. Overskriftsnivå i artiklar vil bli justert etter kvart som artiklane blir scanna og feil oppdaga i varslingssystemet vårt (Monsido). I enkelte artiklar er titlar sette med strong/feit. Nye val i editor vil gjere det mogleg å få rett hierarki i alle innhaldskomponentane. 
• I H5P er overskrifter ofte ikkje koda som overskrifter, sjølv om dei kan framstå som overskrifter reint visuelt. Det gjelder t.d. for dokumentasjonsverktøyet vårt.
• Inndatafelt i fyll-inn-oppgåver har dårlege leietekstar for skjermlesar og krev at ein hopper fram og tilbake dersom blanke felt er plasserte midt i ei setning. 
• Feilmeldingar i fyll-ut- og dra-slepp-oppgåver blir ikkje umiddelbart lesne opp for skjermlesarbrukarar. Dette vil vi fikse i 2024. -Dei fleste tabellane har ikkje korrekt overskrift- og radmerking eller tittel. Desse manglane blir systematisk oppdaga og retta.

• Det er dårleg tastaturnavigasjon og leserekkefølge for skjermlesarbrukarar i innhald laga i presentasjonstypen "Course presentation/H5P" og i simuleringa "Radioaktivitet". 
• I tidslinjer flyttar ikkje fokus automatisk frå tidslinja til innhaldet.

Ein av våre 360-H5P-ar har ein instruksjon som bl.a. ber brukaren om å klikke på fullskjermvisning for å "se enda bedre". Vi vil omformulere denne instruksen.

• Rund knapp for slider i lyd-avspelar har for liten kontrast mot bakgrunnen. Vi har retta feilen og vil publisere ny versjon av knappen i løpet av 2024. -Sitatmarkeringar har for dårleg kontrast mot bakgrunnen. Dette vil bli justert i løpet av 2024.

Vi har grafar og diagram med tekst i bilete. Dei fleste er laga som SVG-filer for å kunne bli lest av skjermlesar. 

Alternativ tekst komplettert med bildetekst.

Ein del visuelle element vil by på utfordringar for brukarar med små skjermar. Det kan til dømes kome tekst over bilete som gir dårleg kontrast. Ein del knappar kan bli vanskelege å nå/.

• Knappar i interaktivt innhald (H5P) byggjer på standardinnstillingar i nettlesaren for fokusmarkering. Dette gir ofte for dårleg kontrast.
• Nokre knappar i interaktivt innhald har for dårleg kontrast mot bakgrunn.
• Nokre graf-søyler i innhaldet vårt har for dårleg fargekontrast. Desse blir fortløpande revidert

• Vi har bilete med mouseover-tekst, men mouseover-teksten blir ikkje synleg ved bruk av tastatur/fokus fordi det interaktive verktøyet (H5P) ikkje tillet dette. Dei som nyttar tastatur eller touch til navigasjon, får ikkje tilgang til informasjonen. Vi vil i 2024 bygge om dette innhaldet.
• I interaktiv øving for radioaktiv lab er det fleire knappar som har mouseovertekst. Øvinga skal reviderast i 2024.

I interaktiv lab om måling av radioaktivitet kan ein ikkje slå på lyd med tastatur fordi simuleringa er for dårleg koda. Dei som nyttar tastatur til navigasjon, må derfor nytte animasjonen utan lyd. Vi har laga ei bestilling og ønsker å utbetre dette i 2024.

I interaktiv lab om måling av radioaktivitet kan ein ikkje lukke infoboks ved hjelp av tastatur fordi simuleringa er for dårleg koda. Dei som nyttar tastatur til navigasjon, må friske opp sida og starte på nytt etter å ha lese instruksjonen. Vi har laga ei bestilling og ønsker å utbetre dette i 2024.

I kvissar av typen H5P Single Choice og H5P Flashcards blir fasit vist i berre kort tid før ein automatisk blir send vidare til neste spørsmål, for dette er standardinnstilling. Dei som treng meir tid til å lese, kan gå glipp av tilbakemelding og fasit. Dei kan likevel sjå fasiten så lenge dei vil etter at kvissen er gjennomført. Vi vil gå gjennom kvissane våre i 2024 og slå av automatikken.

Vi har gif-animasjonar som gjentek seg, og som ikkje har stopp-knapp. Dei kan likevel stoppast med innstillingar i OS, t.d. på iPhone, og blir då starta manuelt når ein trykker på dei.

Vi har mange dokument som manglar sidetittel. Vi vil utbetre det etter kvart som manglane blir identifiserte.

Innhaldselement i H5P-presentasjonar kan bli lesne opp i feil rekkefølge fordi innhaldsprodusentane våre ikkje har vore merksame på det faktum at sist oppretta objekt blir lese opp først. Dei som bruker skjermlesar og tastaturnavigasjon, vil få problem med å navigere. Vi vil i revisjonsarbeid gå manuelt gjennom gamle og nye presentasjonar for å sikre rett opplesingsrekkefølge.

Når ein er logga inn på Min NDLA, kan ein hjartemerke favorittar, ein kan gi dei emneknaggar og samle dei i mapper. Brukarar kan få oversikt over og navigere mellom favorittane via mapper, emneknaggar eller ved å sjå gjennom nyleg favoriserte element på landingssida til Min NDLA. Brukarar som treng anna hjelp til dette, har per i dag ikkje noko alternativ. Denne mangelen kan forklarast med at tenesta er under utvikling. Vi vil bygge alternativ visning i 2024.

Ikon med statusmeldingar blir ikkje lese opp korrekt. Når ein fullfører ei side i læringssti, vil eit "sjekk av"-ikon bli vist. Ikonet indikerer at ein har fullført sida. Skjermlesarbrukarar får ikkje opplese ikonet og får heller ikkje nokon annan indikasjon på at sida er fullført. Som eit resultat får skjermlesarbrukarar ikkje den same opplevinga som brukarar med fungerande syn. Feilen vil bli retta 2024. 

I dei interaktive oppgåvene våre baserer systemet seg på fokusmarkering i nettlesaren. Dette kan i mange tilfelle gi manglande kontrast mellom fokusmarkering og knapp.

I tyskfaga og i faget samisk som andrespråk på NDLA er ikkje dei tyske eller samiske orda markerte med rett språkkode fordi vi ikkje har hatt teknisk funksjonalitet for dette. Denne mangelen gjer innhaldet dårlegare tilgjengeleg for dei som nyttar skjermlesar. Vi har no laga betre editor og har nye rutinar for å unngå at dette skjer i nyproduksjon av innhald i språkfag, og vi vil legge inn språkkodar på alle sidene når vi av andre grunnar reviderer dei.

Nokre av knappane i dei interaktive oppgåvene våre har for dårleg skildring eller er på feil språk. Vi vil jobbe med å betre disse skildringane.

På fleire av sidene våre har ein høve til å velje "Tilleggstoff". Då vil fleire fagstoff-sider bli vist i launchpaden for emnet. Skjermlesarbrukarar får melding om at "Tilleggstoff" er markert, men dei får ikkje melding om kor desse ekstra artiklane blir plasserte. Dette bør bli formidla automatisk for denne brukargruppa. Denne forbetringa er planlagd for 2024.