Tilgjengelegheitserklæring for helse-forde.no

I kva grad er nettstaden i samsvar med krava til universell utforming?

Nettstaden er delvis i samsvar med krava til universell utforming av ikt.

Det er brot på 9 av 48 krav.

Kva betyr brota for brukarane?

Brota som er registrert i denne erklæringa får særleg konsekvensar for brukarar som har følgjande føresetnader:

Bruk utan syn
Bruk med avgrensa syn
Bruk utan fargesyn
Bruk utan høyrsel
Bruk med nedsett høyrsel
Bruk med nedsett rørsleevne eller styrke
Bruk med nedsett kognisjon

Meld gjerne frå om brot på krava

Vi ønskjer tilbakemelding frå brukarane.

Har du oppdaga feil og manglar knytt til universell utforming av nettstaden?
Treng du alternativ til innhald som ikkje er universelt utforma?
Har du innspel til forbetringar av nettstaden?

Du kontaktar oss via:

E-post kommunikasjon@helse-forde.no

Klage

Diskrimineringsnemnda behandlar klager om brot på regelverket. Du finn informasjon om korleis du klagar på nettstaden til Diskrimineringsnemnda. Du kan også klage på manglande eller seint svar på tilbakemeldingar du har sendt til oss.

Status for innhald som ikkje er universelt utforma

Vi har innhald på nettstaden som ikkje er universelt utforma. Vi gjer greie for kva innhald det gjeld, årsaka til at vi ikkje følgjer krava til universell utforming av ikt og kva det betyr for brukaren. Det er presentert i same rekkefølgje som krava i WCAG 2.1-standarden.

HELSE FØRDE HF kategoriserer innhaldet som ikkje er universelt utforma på helse-forde.no slik:

Prinsipp 1. Mogleg å oppfatte

Informasjon skal vere presentert på ein måte brukaren kan oppfatte. Det vil seie at informasjon ikkje berre skal kunne oppfattast med éin enkelt sans. For å sjå grafikk treng du for eksempel ein skjerm og synssansen. Derfor skal bilete ha ein alternativ tekst, i følgje WCAG. Tekst kan også bli presentert på mange ulike måtar, mellom anna som punktskrift, syntetisk tale, på skjerm, tolkast som teiknspråk eller som symbol. WCAG krev derfor at tekst blir brukt som alternativ til lyd, film og bilde.

Innhald som bryt kravet i regelverket

Dei fleste videoane på nettstaden vår er teksta, men vi har ein del eldre videoar som ikkje oppfyller kravet om teksting. Desse videoane har ikkje eit anna godt tekstalternativ. Dette medfører at det er uråd for brukarar som ikkje kan høyre lyd, å få med seg innhaldet.

Vi har kartlagt nettstaden vår i høve videoinnhald, og ser etter verktøy for transkribering av innhald av denne typen.

Vi har fått på plass rutiner for produksjon og teksting av nytt videoinnhald, og vil starte arbeidet med å tekste eldre videoinnhald som er tilgjengeleg på nettstaden vår. Her prioriterer vi teksting av innhald produsert etter 1. februar 2022.

I opplæringa til innhaldsprodusentar og webredaktørar på nettstaden vår, vil nye rutinar rundt teksting av videoinnhald, samt generelt fokus på universell utforming, vere ein viktig del.

Innhald som bryt kravet i regelverket: Vi har landemerker i grensesnittet, men nokre av desse har ikkje unike namn. Det fins også innhald som ikkje er i landemerker, for eksempel "Fant du det du lette etter?" på kvar side. Vi har også overskrifter som visuelt ser ut som overskrifter, men som ikkje er koda som dette, blant anna i bunnmenyen. Vidare har vi mange sider der overskrifter hoppar over nivå, lister som ikkje er riktig nøsta, avsnitt som ikkje er koda som vanleg tekst, sitat som ikkje er koda som sitat. Tabellar er ikkje riktig koda. Brukarar som navigerer med assisterande hjelpemiddel kan bli forvirra, og få problem med å ta del i innhaldet på nettstaden på riktig måte.

Feilen er meldt inn til utviklarteamet, og det vil bli utarbeidd ein plan for å få det retta. Feilen er venta å bli retta i løpet av året.

Innhald som bryt kravet i regelverket: Det er tilfeller med bilder av tekst, der alt-teksten ikkje gir tilstrekkeleg informasjon, eller at samme informasjon ikkje er tilgjengeleg i rein tekst i nær tilknytning. Dette gjer at blinde og svaksynte brukarar ikkje får tilgang til innhaldet.

Innhald som bryt kravet i regelverket: I mindre skjermstørrelser må brukarne scrolle horisontalt for å få tilgang til meny-knappen. Ved filtreringen i søk på behandlingar og kliniske studier er det nokre gongar brukt veldig lange ord. Ved mindre skjermstørrelser må brukaren scrolle i begge retningar for å kunne lese heile ordet.

Feilen er meldt inn til utviklarteamet, og det vil bli utarbeidd ein plan for å få det retta. Feilen er venta å bli retta i løpet av året.

Prinsipp 2. Mogleg å betene

Web er interaktivt. Det er viktig at brukarane for eksempel kan navigere, velje knappar og sette haker i avkryssingsfelt, med det utstyret og den hjelpemiddelteknologien dei brukar. Dette betyr for eksempel at det ikkje berre skal vere mogleg å bruke mus. Alt innhald og all funksjonalitet skal også kunne brukast berre med tastaturet.

Innhald som bryt kravet i regelverket: Ved bruk av tastaturnavigering på mobil så hoppar fokus tilbake til toppen av sida etter å ha stengt søk eller meny. Dette kan skape forvirring og vere frustrerande for brukarar som kun navigerer med tastatur.

Feilen er meldt inn til utviklarteamet, og det vil bli utarbeidd ein plan for å få den rettet. Feilen er forventa å bli retta i løpet av året.

Innhald som bryt kravet i regelverket: Vi har mange artiklar og overskrifter som ikkje alltid beskriv det etterfølgjande innhaldet tydeleg. Dett kan gjere det vanskelig for alle brukarar, inkludert skjermleserbrukarar, å skumlese og finne riktig informasjon.

Prinsipp 3. Forståeleg

Målet med nettstader er at brukarane skal forstå korleis sidene skal brukast og informasjonen dei får. Det handlar om at nettstaden er føreseieleg, har eit enkelt språk og god hjelpefunksjonalitet. Rett koding er viktig for at nettstaden skal fungere med hjelpemiddelteknologi, for eksempel vil rett språk på sida sørge for at teksten blir lese opp på rett måte for brukarar med talesyntese.

Innhald som bryt kravet i regelverket: Vi har ikkje synleg ledetekst for søk, og knappen for å gjennomføre søket er berre eit ikon. Brukarar kan få problem med å oppfatte kva feltet er til. Dette berører spesielt brukarar med nedsatt syn, skjermlesarbrukarar og personar med kognitive utfordringar som er avhengige av tydelege leietekstar for å forstå funksjonen.

Feilen er meldt inn til utviklarteamet, og det vil bli utarbeidd ein plan for å få det retta. Feilen er venta å bli retta i løpet av året.

Prinsipp 4. Robust

Rett koding av nettstaden er viktig, og dette er som regel ivareteke med bruk av standardelement i HTML. Valider at koden på nettstaden er rett. Dette er spesielt viktig dersom du brukar ny teknologi eller lagar eigne element (custom widgets).

Innhald som bryt kravet i regelverket: Vi har valideringsfeil på fleire sider. Mest problematisk er det at det finst duplikate ID og nøstingsfeil. Assisterande hjelpemiddel kan få problem med å tolke innhaldet riktig. Dette skyldast at koden på nettstaden inneheld dupliserte ID-ar og feil i nøsting, noko som kan føre til problem for nettlesarar og hjelpeteknologiar med å tolke innhaldet riktig. Dette påvirkar brukarar som er avhengige av skjermlesarar og andre assisterande hjelpemiddel.

Innhald som bryt kravet i regelverket: Vi har innebygde videoar på nettstaden, men det er ikkje alltid tittelen på ramma er endra fra "Youtube video player". Brukarar vil få vanskar med å vite ramma sitt formål. I "Fant du det du lette etter" brukar vi to separate knappar i stadenfor radioknappar på det som er eit val mellom to alternativ (ja eller nei). Brukarar som nytter assisterande hjelpemiddel får beskjed om at "ja" fører til at området blir felt ut, men "nei" trekk saman området. Det er dermed vanskeleg å forstå kva som har skjedd i grensesnittet etter å ha gjort eit val, basert på namn, rolle og verdi.

Feilen er meldt inn til utviklarteamet, og det vil bli utarbeidd ein plan for å få det retta. Feilen er venta å bli retta i løpet av året.

Test og vurdering av nettstaden

Vi har sjølv testa og vurdert nettstaden.

Om erklæringa

Tilgjengelegheitserklæringa er sist oppdatert 31. januar 2025.
Tilgjengelegheitserklæring for denne nettstaden blei oppretta første gong 20. januar 2023.

Arbeid med universell utforming av ikt

I Helse Førde jobbar kommunikasjonsavdelinga målretta med å gjere nettstaden vår og digitalt innhald tilgjengeleg for alle brukarar.

Vi har fokus på universell utforming som ein viktig del i opplæring av innhaldsprodusentar og webredaktørar, og har i vinter oppretta ei ressursside på intranett med informasjon om universell utforming.

Arbeidet med tilgjengeliggjering av innhald er omfattande, og universell utforming av IKT er tema for tverrfagleg samarbeid i regionen. Vi samarbeider tett med nettansvarlege i dei andre føretaka.

Sidan vi er ein del av ei nasjonal publiseringsløysing, har vi ikkje høve til å rette opp i tekniske feil på nettstaden sjølv. Vi følgjer opp og gir nødvendige tilbakemeldingar ved høve, og får oppdateringar om arbeidet med universell utforming.

Vi bytte ut publiseringsplattformen vår, SharePoint, til Optimizely Content Cloud i 2023. Den nye publiseringsplattformen (CMS) er betre tilrettelagt for arbeid med universell utforming, og vil betre vilkåra for arbeidet med tilgjengeliggjering av innhald. Dette trur vi vil ha ein svært positiv effekt på det publiserte innhaldet for alle brukarar.